fbpx

ليه ناس كتير بتسأل ومحدش بيشتري

customers' buying decision process

رحلة المشتري  – The buyer’s Journey

هل يوجد اى تفسير ليه باخد وقت كبير علشان اقفل الصفقة مع عميلي ؟

شكوي متكررة من ناس كتير جدا ان فى عملاء كتير بيدخلوا يسئلوهم عن المنتج او الخدمة ويعرفوا كل التفاصيل ويمشوا , وبيسئلوا ياتري ايه السبب هل استهداف اعلانات مش مظبوط ولا حاجة شافوها معجبتهمش ولا ايه الموضوع ؟

للاجابة على التساؤلات دي لازم نفهم حاجة اسمها ” رحلة المشتري  – The buyer’s Journey

باختصار نقدر نقول ان كل عميل بيمر ب 5 خطوات اساسية خلال عملية شراء اى منتج او خدمة وهم :

  • تحديد احتياجاته ورغباته
  • جمع المعلومات
  • المقارنة
  • قرار الشراء النهائي
  • تقييم عملية الشراء

 

اولاً : تحديد الاحتياجات والرغبات :

ويقال عليها مرحلة تكوين الوعي لان فيها بيكون العميل بدا يتشكل عنده فهم اكبر باحتياج معين عنده وبدأ يحس انه لازم يشبع الاحتياج ده وبالتالى بدأت تتكون عنده رغبه انه يمتلك منتج او خدمة تشبع الاحتياج ده

الوعي ده بيتشكل بسبب شئ داخلى يخص العميل زي الم مثلا محتاج يعالجه او مشكلة محتاج يحلها او ممكن يتشكل بسبب شئ خارجي زي الاعلانات مثلا

فى المرحلة دي هو مش هيشتري حاجة هو بس هياخد الخطوة التانية فى طريقة لاشباع الاحتياج اللى حس به

 

ثانياً : جمع المعلومات :

بعد ماحس انه محتاج شئ معين هيبدا يجمع المعلومات عن كيفية اشباع الاحتياج ده

لو مشكلة محتاج يحلها مثلا هيبدأ يشوف ايه افضل طريق لحلها وايه البدائل المتوفرة وكيفية الاسفادة منها والمفاضلة بينها واسعارها ….. وهكذا

وفى الغالب هي دي المرحلة اللى العميل بيدخل يسئلك فيها على كل التفاصيل ومش بيشتري فى ساعتها فانت تسيبه وتعتقد انه عميل مش جاد

ونصيحتى ان فى المرحلة دي لازم تقدم للعميل كل الدعم اللى هو محتاجه وكل المعلومات بمنتهى الصدق

 

ثالثاُ : المقارنة :

بعد ما جمع معلومات كتير عن بدائل كتير واحتار هيبدأ يدخل فى مرحلة المقارنه اللى منها هياخد القرار النهائي , وهيحط لنفسه اهم العناصر المؤثرة فى قراره ” السعر المناسب , الجودة والخامات , خدمات ما بعد البيع ,……… الخ ” ومن العناصر المهمة جدا فى المقارنة هي ال Feedback اللى هتوصله عنك من عملاء سابقين

 

رابعا: القرار النهائي :

فى المرحلة دي انت محتاج تخلى عملية الشراء سهلة وبسيطة وواضحه وامنه علشان تسهل على العميل القيام بالخطوة دي

وممكن فى المرحلة دي تشجعه بخصم او عرض مميز او ميزة اضافية للمنتج او الخدمة

 

خامسا: تقييم عملية الشراء :

ودي اهم مرحلة فى كل اللى فات , لانها بتضمن حاجة من اتنين

ان العميل هيفضل عميل مستمر معاك طول العمر وهيكون بيشتغل لصالحك كمان بكلامه الطيب عنك

او انه هيعملك دعايا سيئة ومش بس هيروح منك ده كمان هيضيع منك عملاء كتير جدا

للسبب ده قلنا فى البداية والعميل بيجمع المعلومات لازم اديله معلومات صادقة 100% وواقعية واى وعد اوعده به اكون قادر على الوفاء به

 

الخلاصة :

اى عميل لاى منتج او اى خدمة بيمر بالمراحل الخمسة ولكن تختلف المدة من مجال للاخر و فى جميع الاحوال يجب فهم تلك المراحل فهما جيد يساعدك على توفير الدعم لعميلك فى اى مرحلة كان , وان تتنوع خطتك التسويقية لجذب العملاء فى جميع تلك المراحل

وان تستمر وتتكامل انشطتك التسويقية وحملاتك الاعلانية لتصل بالعميل فى النهاية الى قرار اتمام الصفقة معك بنجاح

 

اشترك فى قائمتنا البريدية من هنا

وسائل التسويق عبر محركات البحث (SEO & SEM)

Why customers take a while in the buying decision process

كيف أسوق منتجاتي عبر الإنترنت بطريقة ناجحة

عناصر المزيج التسويقي 7p’s ودورها في تسويق منتجاتك

اترك تعليقاً

Your email address will not be published. Required fields are marked

Call Now Button
WhatsApp chat