fbpx

أحدث المقالات

ما هى افضل شركات تسويق المنتجات ؟

ما هى افضل شركات تسويق المنتجات ؟

إن شركات التسويق في مصر تلعب دورًا هامًا في تحقيق النجاح التجاري للمنتجات المصرية، وذلك بسبب التزامها بتقديم خدمات تسويقية متكاملة، كما تساعد شركات تسويق المنتجات الشركات المصرية في الوصول إلى السوق المحلي والعالمي، لذلك يقدم هذا المقال التفاصيل الخاصة بنجاح شركات...

التسويق الالكترونى الشامل: اعلانات الفيس بوك

التسويق الالكترونى الشامل: اعلانات الفيس بوك

يعد الفيس بوك من أهم وأشهر وسائل التواصل الاجتماعي، كما أنه أحد الوسائل التسويقية والذي يتم من خلاله عمل الإعلانات، فهناك أكثر من مليار مستخدم يستخدمون ذلك الموقع لاغراض مختلفة منها اعلانات الفيس بوك، فمن أجل ذلك السبب تحديدًا توضح شركة اليكس سوفت الكثير من الامور...

التسويق الالكتروني الشامل

التسويق الالكتروني الشامل

التسويق الالكتروني الشامل هو عبارة عن استخدام تقنيات المعلومات والاتصالات لجذب وتسويق المنتجات والخدمات على الإنترنت، حيث أصبح هذا النوع من التسويق أحد أهم أساليب التسويق في العصر الحديث، نظرًا لانتشار استخدام الإنترنت في كل مكان حول العالم، فإذا كان لديك منتجات أو...

الشركات الناشئة في مصر

الشركات الناشئة في مصر

يسعى العالم دائمًا إلى التجديد والابتكار والتطوير، وهذا هو الهدف الأساسي من تأسيس وإنشاء الشركات الناشئة  في الفترة الأخيرة، لذلك من خلال السطور القادمة سوف ندخل في عالم ريادة الأعمال ونناقش كل ما يتعلق بكيفية إنشاء الشركة من البداية وبطريقة مبسطة.المقصود بالشركات...

أفضل شركات التسويق الإلكتروني

أفضل شركات التسويق الإلكتروني

هناك أكثر من 85% من المشروعات والشركات والعلامات التجارية التي اتجهت بشكل سريع وأساسي إلى شركات التسويق الإلكتروني من أجل زيادة المبيعات الخاصة بها وبالتالي زيادة أرباحها عن طريق الوصول إلى عدد كبير من العملاء المحتملين. شركة اليكس سوفت من أفضل شركات التسويق...

اسعار التسويق الالكتروني في مصر

اسعار التسويق الالكتروني في مصر

يعد التسويق الالكتروني طريقة مهمة للحصول على الإعلانات التجارية الناجحة في الوقت الحالي، حيث التسويق الالكتروني كل من الشركات الصغيرة والكبيرة في الوصول إلى الجمهور المستهدف، في الوقت نفسه يوفر إمكانية الوصول إلى الجمهور المحلي والعالمي بشكل أسرع وأكثر فعالية، ومع ذلك...

المشروعات الناجحة خطوة بخطوة

المشروعات الناجحة خطوة بخطوة

يقول اثناء موقف معين مررت به وجدت فكرة تطبيق ممتازة ناقشتها مع احد اصدقائي العائد من الخارج واتفقنا على تنفيذها ونحتاج شركة برمجيات لتنفيذ التطبيق الفكرة مضمونة النجاح تستهدف كل مستخدمى الانترنت والذى علمت بالبحث ان عددهم فى مصر يتخطي ال 63 مليون شخص اريد فقط ان...

افضل خطة تسويق الكتروني لل Online Store

افضل خطة تسويق الكتروني لل Online Store

  --خطوات التسويق الالكتروني لل Online Store : 1. ربط ال Online Store  بالادوات التى سيتم استخدامها وهي : Meta pixel : هو عبارة عن كود برمجي يقوم مدير الاعلانات الخاص ب Facebook بامداده ليستطيع تتبع حركة المستخدمين على ال Online Store Google analytics : هو احد...

local seo السيو المحلى كيف تضع شركتك على خرائط جوجل

local seo السيو المحلى كيف تضع شركتك على خرائط جوجل

كيف تضع شركتك على خرائط جوجل ؟ Local seo  هو ببساطة مكانك على خرائط وبحث جوجل وهو يساعدك فى الوصول للعملاء وتتغلب على المنافسين لك ، كلنا بنستخدم الخريطة وبندور على اقرب مطعم ،اقرب صيدلية ، سوبر ماركت ... أو بحث عن منتج أو خدمة .جوجل دائما بيرشح لك الأقرب بالنسبة...

كتابة المحتوى وتحسين محركات البحث

كتابة المحتوى وتحسين محركات البحث

نتحدث اليوم عن كيفية كتابة المحتوى الجيد للوصول لنتيجة ممتازة تستطيع من خلالها تحسين موقعك بالنسبة لمحركات البحث. - في البداية ما هى معايير كتابة المحتوى الجيد ؟ نبدأ معًا بعرض الموضوع الذي ستتكلم عنه وتعرض من خلاله الفكرة التي ستطرحها على القارئ. فيجب ألا تقتصر...

كيف تبنى ادوات التسويق الالكترونى لشركتك ؟ ‏

بواسطة | مايو 19, 2020

بناء أدوات التسويق الالكترونى

التسويق الالكترونى له العديد من الادوات فبعد ان وضعت الاطار العام لأفضل خطة تسويق الكتروني وحددت مزيج الادوات التسويقية التى سيقوم فريقك بالعمل عليها ستنتقل بعد ذلك الى مرحلة بناء تلك الادوات , ويجب ان تكون على دراية تامه كيف تتفاوض على تلك الادوات لتضمن ان تقوم بالدور المطلوب منها وهذا تحديدا هو هدف المقال .

بدون ان يكون لك سابق معرفة بالبرمجة ولغاتها وادواتها سنضع امام عينيك كل ماتحتاج ان تعرفه لتضمن ان تتم تلك المرحلة بشكل مناسب، هنقسم الادوات الاشهر استخداما الى 5 ادوات اساسية وهنتكلم علي كل واحده منهم بالتفصيل المناسب و الادوات الخمسة هم :

  1. السوشيال ميديا
  2. الموقع الالكتروني
  3. تطبيق الموبايل
  4. الايميلات
  5. المحتوي بشكل عام

زي ما فهمنا من مقال الاطار العام لأفضل خطة تسويق الكتروني ان مش من الضرورة استخدام كل الادوات المذكورة لكن المهم اننا نعرف ايه انسب ادوات محتاج استخدمها علشان اقدر اوصل للعميل بتاعى بالشكل المناسب

اولاً : السوشيال ميديا :

اهم نقطة اعرف ايه هي ال Platforms اللى هشتغل عليها ومش لازم اخد كل ال Platforms  اللى موجوده لانى بالتالى هكلف نفسي اعداد محتوي مناسب لكل Platform على حدي ولو اهملت اى واحده منهم هتكون النتائج مش كويسه .

يبقى مثلا لو انا بستهدف جمهور فى مصر وببيع منتجات مثل ادوات التجميل او الملابس …. وهكذا فانسب Platforms ليا هو Facebook & Instagram .

ومش لازم اروح اعمل قناة على اليوتيوب لان مش طبيعي ان الجمهور بتاعى هيتابع قناة لمجرد انه يشوف اعلان عن منتج جديد وده طبعا هيضطرنى انى هكلف نفسي انى لازم اعمل محتوي فيديو مناسب على اليوتيوب , الا فى حالة ان هدفى يستدعي ذلك يبقى لازم اعمله

ولو انا بستهدف جمهور فى دول الخليج فغالبا Facebook  مش هنقدر نعتمد عليه وممكن نشتغل على Instagram & Twitter

ولو بستهدف جمهور متخصص زي المهندسين او المبرمجين يبقى انسب Platform  ليا هو LinkedIn  مع Facebook  او Instagram او Twitter حسب الدولة اللى بستهدفها. وهكذا فالملخص ان تحديد ال Platforms بيتوقف على طبيعة وثقافة الجمهور اللى بستهدفه

ثانياً : بناء الموقع الالكتروني  :

الموقع الالكتروني من الادوات الحساسة جدا فى التسويق الالكترونى واللى بشوف غلطات فظيعة في التعاقدات عليه بتبوظ الهدف الاساسي منه اصلا ، يعنى من وجهة نظري ان علشان اتفق على موقع الكتروني لازم الاول يكون بيحقق هدفى منه فمثلا :-

  • لو هدفى ان الموقع الالكتروني يكون واجهة للشركة علشان بنزل معارض وبوزع بروشور ومواد مطبوعه او بسجل نفسي مورد عند مصانع وشركات تانيه ومحتاج واجهة على الانترنت بتعرفهم معلومات عني والمعلومات دي مش محتاج اغيرها كتير فممكن اعمل موقع بسيط من غير قاعدة بيانات بيطلق عليه ” Static ” لو يهمنى اوي ان التكلفة تكون اقل ما يمكن.
  • لكن لو هدفى انى استخدم الموقع الالكتروني ككتالوج لمنتجاتى. وكل شوية عايز اضيف منتجات جديدة او موديلات جديدة. وهربطه باعلانات الفيس مينفعش اعمل الموقع Static علشان ارخص ،لانه ببساطه مش هيحقق هدفى ومش هقدر استفيد منه لكن برضوا مش لازم اعمل موقع غالي جدا ممكن اعمل موقع WordPress يحققلى الاهداف دي.
  • ولو عايز اعمل موقع يقدم خدمات للعميل زي المتاجر الالكترونية وعايز اقدمه بشكل مميز والخدمة نفسها تتقدم بطريقة مميزه مش زي اي حد تانى علشان تنجح يبقى مينفعش اقول اني هعمله WordPress لان وقتها هيكون فى عواقب كتير بتقابلنى فى التطوير ولازم اعمله From scratch واتبع في تصميمه اسلوب Customer development  علشان اضمن انه يحقق المتطلبات اللى عايزها وهدفي منه
  • ولو هدفي ان الموقع الالكتروني بتاعى يظهر على محركات البحث فلازم اتاكد ان اللى هتعاقد معاه هيحققلى كل الشروط اللى جوجل بيطلبها علشان احقق الهدف ده لما اشتغل على المحتوي بتاعه بعد كده

وهكذا يبقى النقطة الاولى دائما هي تحديد هدفى ايه وبعدين اشوف الموقع الالكتروني المناسب للهدف لان للاسف بنشوف ناس كتير بتحط الميزانية هي المعيار الاول والاخير وبتعمل موقع الكتروني مش مناسب لاهدافها ومع ذلك بتفضل متخيلة ان الاهداف دي هتتحقق وبتبنى كل خطتها على الاهداف دي وبترمي فلوس التسويق كلها على الارض!! .

” لو الميزانية بتاعتي مش هتقدر توفرلي موقع الكتروني مناسب لهدفى يبقى اغير هدفى للمرحلة دي واجل تصميم الموقع الالكتروني الى ان يتم توفير الميزانية المناسبة “

احب  الفت نظرك لمصطلحين مهمين جدا هتسمعهم وانت بتتكلم عن الموقع الالكتروني :

Template Vs From scratch :

المقصود بال Template هي القوالب الجاهزة وفى الحالة دي اللى بيصمم الموقع بتاعك هيستخدم نموذج جاهز ويحط فيه بياناتك والداتا بتاعتك من غير ما يبنى كود برمجي خالص وده هو اللى بيحصل فى كل الاعلانات اللى بتشوفها واللى بيقولوا فيها استلم موقعك الالكتروني فى كام يوم او كام ساعة وبتكلفة 999 جنيه وما شبه ذلك ويقولك دينامك ولوحة تحكم خاصة بك وكل المواصفات اللى فى احلامك , وده تنطبق عليها المقولة الشهيرة Too Good to be true ونصيحتى الشخصية تجنب النوع ده تماما الا فى اضيق الحدود واعمل حسابك ان لو شغلك كبر وحبيت تطور من نفسك يبقى لازم هتغير كل ده من الاول

على العكس تماما From scratch فمعناه انه هيبنى كل حاجة من البداية خالص بالكود البرمجي وهتقدر تطور فيه مهما شغلك كبر بس مشكلته ان طبيعي تبقى تكلفته اغلى بكتير ومدة تنفيذه كبيرة . فى معظم الاحوال ممكن تستخدم حاجة وسط بين الاتنين وهي مواقع ال WordPress مثلا بدون استخدام اى قوالب جاهزة فهو بيبنى التصميم From scratch لكن بيستخدم لوحة التحكم والوظائف الخاصة بال WordPress  لكن ده برضوا بيكون له قيود على تطوير الموقع الالكتروني بتاعك

والخلاصة انك محتاج تتعامل مع حد امين جدا علشان يقدر يوضحلك الانسب لك ولاهدافك ويوضح لك اختيارك حدوده فى التطوير لحد فين وايه المشاكل اللى ممكن تواجهك .

ال Domain & Host :

المقصود بالدومين Domain هو اسم الموقع اللى بيتكون من websitename.com او www.websitename.net او دوت Org ….. وهكذا وده لازم تضمن انك تقدر تاخده فى اى وقت لان كل شغلك والبراند بتاعك هيتبنى عليه.

وال Host هو المساحة المستاجره من جهاز Server عالمى مربوط على شبكة الانترنت وهيتحط عليها الملفات وقاعدة البيانات بتوع موقعك الالكتروني والايميلات الخاصة بك ودي نوعين اساسين Shard host وبتناسب معظم المواقع اللى حجم الزيارات عليها مش كبيرة اوي و VPS وهي للمواقع اللى حجم الزيارات عليها كبير وبالتالى التكلفة بين الاتنين بتختلف كتير وممكن تنقل من واحده للتانية بسهوله

ثالثاً : تطبيق الموبايل :

فى رائي الشخصي لا تبدأ مشروعك بتطبيق موبايل كاداه من ادوات التسويق الالكترونى الا فى حالة ان العميل المستهدف من الطبيعى ان يستخدم التليفون دائما لطلب الخدمة مش تطبيقات Uber , Careem , Swvl

فى غير تلك الحالة اقترح ان تبدأ اولا بموقع الكتروني تقدم فيه خدماتك وتلاحظ سلوك المستخدمين وتقوم بالتطوير عليه بسهولة وبتكلفة اقل من تكلفة تصميم وتطوير تطبيقات الموبايل .

وعند اكتمال التطوير للخدمة الاساسية للموقع الالكتروني واختباره واثبات نجاحه انتقل الى المرحلة التالية وهي تصميم التطبيق بهدف الحفاظ على عملائك واكتساب شريحة جديدة من العملاء.

فتصميم تطبيق الموبايل مكلف ويحتاج الى تصميم نسخة لموبايلات ال Android واخري لموبايلات ال IOS وبالتالى لو مشروعك فى بدايته فتكلفة التطوير فيهم ستكون مرتفعه

ولا تحتاج ان اوكد عليك ان جميع الاعلانات التى تراها وتعلن عن تطبيق موبايل باسعار بسيطه جدا ستحصل منها على تطبيق موبايل ضعيف جدا مصمم بطرق مختصره ونماذج جاهزة قد يؤدي بمشروعك الى نتائج كارثية.

رابعاً : البريد الالكتروني :

جمع بيانات العملاء من خلال الموقع الالكتروني او السوشيال ميديا بعد اخذ اذنهم ومتابعتهم بالبريد الالكتروني من الوسائل الفعالة جدا فى التسويق الالكترونى  اذا تم استخدامها بشكل صحيح وبعيدا عن التطفل .

توجد اداة مناسبة جدا لتلك المهمة هي Mailchimp وهي مجانية فى حدود اول 1000 عميل بعد ذلك ستحتاج ان تدفع اشتراك.

تستطيع من خلال تلك الاداة  :

  • انشاء استمارة لجمع البيانات واضافتها الى موقعك الالكتروني او صفحة الفيس.
  • وارسال ايميلات دورية لكل المتابعين
  • وتقوم تلك الاداة بارسال رسائل تاكيد للمتابعين
  • وتستطيع انت التحكم فى صياغتها وتصميمها بحيث تتاكد ان كل من سجل بريده الالكتروني هو فعليا مهتم بمجال عملك وهو عميل محتمل.

خامساً : المحتوي :

تركت المحتوي للختام لانه يشمل كل ماسبق من أدوات التسويق الالكترونى فعندما اتحدث عن المحتوي اتحدث عن المحتوي الذى ستقدمه على قنوات السوشيال ميديا المختلفة وعن المحتوي الذى ستقدمه على موقعك الالكتروني وتطبيق الموبايل وفى البريد الالكتروني الذى ستقوم بارساله الى متابعينك وهناك بعض النصائح العامه يجب مراعاتها عند كتابة المحتوي منها :

  1. حاول ان تجد الاسلوب الانسب لعملائك وتحافظ عليه فى جميع قنواتك للتواصل مع العميل.
  2. اتبع قاعدة 20/80 وهي باختصار ان يكون 80% من المحتوي الذى تقدمه هو محتوي مفيد للعميل و 20% هو محتوي بيعي.
  3. اجعل المحتوي الخاص بك اصلي ” غير منسوخ ” ويحمل طابع مشروعك الخاص.
  4. ركز على كلمات مفتاحيه يستخدمها العميل فى البحث عن منتجك وخدماتك.
  5. اجعل حجم وجودة المحتوي متنوع ومناسب لكل فئة من المتابعين فمثلا المقالات الطويلة مناسبة للموقع الالكتروني والمختصر مناسب لبوستات السوشيال ميديا والفيديوهات ذات الجودة المرتفعه والتصوير المحترف مناسب لقنوات اليوتيوب وفيديوهات اللايف مناسب لل Facebook و TikTok
  6. بالنسبة للفيديوهات اضف لها وصف مناسب يحتوي على الكلمات المفتاحيه
  7. بالنسبة للصور حاول ان تكون معبره , ولو سيتم استخدامها على موقعك الالكتروني احرص على اضافة الكلمة المفتاحيه فى خاصية Alt حتى يستطيع ان يراها محرك البحث

الخلاصة :

كل ما سبق هو معلومات عامه  تحتاجها لفهم مايحدث من فريق عملك المتخصص ب ” التسويق الالكتروني” ولكن المقالة القادمة ستكون عن تحديد الميزانية التسويقية وهو قرار حيوي لن يتحكم فيه غيرك فكن حريصا على متابعة تلك المقال تحديدا

اذا كنت ترغب فى متابعة المقالات والاخبار الجديدة فى عالم البرمجيات والتسويق الالكتروني اشترك فى قائمتنا البريدية

موضوعات ذات صلة :-

Open chat
1
تحتاج مساعدة ؟
Scan the code
مركز المساعدة
احصل على المساعدة الفورية